لغز .. آخر العيدين .. ؟!

[فواز العمار]

مثل ما قال المشعان : مبتدأ والرأي منكم يعتبر عندي خبر

هذا لغز قاله واحد من الشباب وانا بصراحه ما عرفت إجابته

اذا مار عليكم ياريت تساعدوني عشان اتميلح عند راعيه :smile:

يقول : اسألك عن بنت

عمرها مابين عشره وعامين

حرف اسمها الثاني يطابق رابع الأثنين

وحرف اسمها الثالث مكتوب وسط شهرين

متزوجه زوجين)الأول مسافر) والثاني تشوفه كل يومين

اخر اسمها اخر العيدين

( ماهو اسم هذه البنت)

[RoOoK]

اعرف الجوال بس بعطي فرصـه لغيـري < حركـات بعض نـاس ..



بس يمكن اسمهـا نسريـن ..

[『أمواج نونا』]

مثل ما قال رووك الجواب نسرين يالله اكشخ عند راعيه

[روح الجنان]

يقول : اسألك عن بنت

عمرها مابين عشره وعامين

حرف اسمها الثاني يطابق رابع الأثنين

وحرف اسمها الثالث مكتوب وسط شهرين

متزوجه زوجين)الأول مسافر) والثاني تشوفه كل يومين

اخر اسمها اخر العيدين

( ماهو اسم هذه البنت)

حياك الله اخوي العمار

حرف اسمها الثاني يطابق رابع الأثنين

ش ي ر ي ن

شـــــير ين

وحرف اسمها الثالث مكتوب وسط شهرين

ش ه ر ي ن

ش ي ر ي ن


مافيه غيرها شــــــــــــــــــــير يــــــــــــن


لاكن الزوجين مااعرفهم مارضيت تقولي اساميهم لانهم مسيار

[شوق الشمال]

/

\\

أول مره أحل لغز بس نجرب وإن شاء الله تضبط ..


::

:

يقول : اسألك عن بنت

عمرها مابين عشره وعامين


حلو هنا بين وقت ظهورها انه خلال هالفتره هذي


حرف اسمها الثاني يطابق رابع الأثنين

يعني رابع حرف منه يعني حرف ( الثاء )


وحرف اسمها الثالث مكتوب وسط شهرين

الحرف اللي وسط شهرين هو حرف ( الراء )


متزوجه زوجين)الأول مسافر) والثاني تشوفه كل يومين

الأول أعتقد نجمه من النجوم اللي يظهر قبلها أو بعدها مثل نجمه سهيل

واللي تشوفه كل يومين هو كذلك نجم آخر أو يمكن القمر


اخر اسمها اخر العيدين

أخر العيدين اللي هو عيد الأضحى وأخر حرف منه ( الألف )


ويطلع اسم البنت

( ثريا )

وهي نوع من انواع النجوم

اللي تظهر لنا خلال عامين ..

وإن شاء الله وفقت بالتحليل وتوصلت للحل الصحيح ..


وبلغونا إذا طلع صح



::

:

[فواز العمار]

بصراحه .. العمار محتار !!

والله يا جماعة الخير انكم ما قصرتوا

بس بصراحه انا ما عرفت الحل الصحيح لحد الحين

واحد يفكر عني ويحدد الإجابه الصحيحه


يا أصدقاء ما بعد كشخنا عند الرجال


وشرايكم ..

فيكم شده

[روح الجنان]

اعتقد اخوي فواز ان حل الاخت شوق الشمال هو الاقرب وهذا رأيي

عض شليلك وركض لخويك واصقعه بالحل لاكن انتبه لاتفلقه خذ معك لصق جروح احتياط

تراني فكرت قبل اعطيك القرار

[ماجد التويجري]

اخوي وضح اللغز شوي
قفص ولا نفس

[فواز العمار]

اختي روح الجروح اقصد الجنان
انتي صيدلانيه ؟
ما فيني حيل اعض شليلي واركض
ليش حنا نلعب سباق .؟
الأخت تتابع اولمبياد بكين


وانا بعد اعتقد أن حل الأخت شوق الشمال مو الاقرب

بعد انا فكرت قبل اعطيك القرار

[فواز العمار]

اخوي ماجد

هذا لغز قاله واحد من الشباب وانا بصراحه ما عرفت إجابته

هذا كلامي بأول الموضوع


بس الظاهر .. الظاهر أنه اسم يعني يمكن شكله قفص:smile:


ياخوك اعذرني قهرني هاللغز بط جبدي .. والاخت تقول عض شليلك واركض

انا ويني والركض ووووين .. متسمر من يومين